«Հասրաթյան-Մինասյան հիմնադրամի» Մինասյան կենտրոնը 2019 թվականի նոյեմբերին հայտարարել էր պատմագիտական հետազոտությունների իրականացման հայտերի ընտրության մրցույթ։ Մարտի 2-ին «Հասրաթյան-Մինասյան հիմնադրամն» ամփոփեց պատմագիտական հետազոտությունների իրականացման հայտերի գնահատման փուլը։ 6 երկրից ներկայացված 54 բարձրակարգ ու խիստ ուշագրավ թեմաներից հիմնադրամն ընտրել է պատմագիտական հետազոտությունների իրականացման հետևյալ հայտերը.
| Հայտատու | Հետազոտության թեման | Գիտական/ուսումնական հաստատությունը |
| Արսեն Բոբոխյան,
Ավետիս Գրիգորյան |
«Զուռնան և դհոլը»․ հայ-մահմեդական բախումները Արևելյան Հայաստանում xx դարի առաջին տասնամյակներին եվ «Զոդ օպերացիան» (պատմական տվյալներ եվ հնագիտական հիմնավորումներ)
|
ՀՀ ԳԱԱ Հնագիտության և ազգագրության ինստիտուտ |
| Ռուբեն Մելքոնյան,
Նաիրա Պողոսյան
|
Թուրքիայից հայերի ներգաղթի գործընթացը Խորհրդային Հայաստան 1920-1980-ական թթ.. ինքնության խնդրի դրսևորումները | ԵՊՀ Արևելագիտության ֆակուլտետ |
| Միհրան Գալստյան,
Նարե Գալստյան, Անի Ափյան |
Հայկական սփյուռքի հայրենադարձման ուղիները. հետազոտելով խնդիրները և հնարավորությունները | ՀՀ ԳԱԱ Հնագիտության և ազգագրության ինստիտուտ
Միլանի համալսարան, Իտալիա Քլերմոնտի համալսարան, ԱՄՆ |
| Նաիրա Սահակյան | Փլուզված կայսրություններ, խորհրդայնացված երազանքներ. հայ մտավորականության ընկալումները 1917 թ. հեղափոխության և Հայաստանի ապագայի տեսլականի վերաբերյալ | Ամստերդամի համալսարան, Նիդեռլանդներ |
«Հասրաթյան-Մինասյան հիմնադրամը» շնորհավորում է մրցույթի բոլոր հաղթողներին և մաղթում հաջողություն հետազոտության իրականացման ընթացքում։
«Հասրաթյան-Մինասյան հիմնադրամը» շնորհակալություն է հայտնում այն մասնակիցներին, որոնց հայտերը չընդգրկվեցին վերջնական ցուցակում և տեղեկացնում, որ ապագայում կլինեն գիտական հետազոտությունների իրականացման և հիմնադրամի հետ գործակցության նոր հնարավորություններ։
Հավատարիմ մնալով հիմնադրամի առջև դրված նպատակներին՝ «Մինասյան» կենտրոնը կշարունակի պատմաբանների համայնքին պատմագիտության ֆունկցիոնալ կարևորության մասին լրացուցիչ ազդակ հաղորդելը, մեր ժողովրդի անցած պատմական հետագծի և հատկապես 20-րդ դարի առանձին դրվագների քննական վերաիմաստավորումը։ Կենտրոնի հետազոտությունների հիմնական նպատակը պատմության նորովի ուսումնասիրության միջոցով Հայաստանի առջև ծառացած ժամանակակից մարտահրավերներին դիմակայելու ուղիներ գտնելն է։ Կենտրոնը մտադիր է ուսումնասիրությունների շնորհիվ նաև խթանել ժամանակակից հայոց պատմության վերաբերյալ հանրային քննարկումների և գիտական բանավեճի ծավալումը։