Հասրաթյան-Մինասյան հիմնադրամը հայտարարում է դրամաշնորհային ծրագրերի երկրորդ մրցույթը ` վիզուալ արվեստի ոլորտում գործեր ստեղծելու համար:
Ծրագրի նպատակն է .
- Աջակցել արվեստի նոր գործերի ստեղծմանը,
- Խթանել արվեստագետների ստեղծագործական ներուժը,
- Նպաստել Հայաստանի ժամանակակից արվեստի զարգացմանը:
Թեման- Առերեսում
Մարդիկ չեն սիրում առերեսվել իրականության հետ, որովհետև այն հաճախ լինում է խնդրաշատ, անարդար, ցավոտ, անգամ հակասական։ Առավել չեն սիրում առերեսվել սեփական ես- ի հետ։
Նիցշեն ասում է. «Ոչ մի արվեստագետ չի հանդուրժում իրականությունը»։ Իրականության անհանդուրժողականությունը արվեստագետին մղում է իրականությունից փախուստի և զուգահեռ իրականության ստեղծման, կամ` իրականության մանրակրկիտ վերլուծման ու ժամանակակից մարդու ամենասուր և խորքային հոգևոր, բարոյական ու սոցիալական խնդիրների հետ առերեսման։ Իսկ դուք պատրա՞ստ եք առերեսվել իրականության հետ։
Առաջարկվող ֆինանսական օգնության առավելագույն չափը կազմում է 2.500.000 (երկու միլիոն հինգ հարյուր հազար) ՀՀ դրամ :